رواية زوجة رجل استثنائي (كاملة جميع الفصول) بقلم منة ممدوح

عقدة إيديها وقربت منه بهدوءه وقالت ببحة_حمدلله على سلامتك
كان بكائها بمشاعر مختلطة
پتبكي خوفا عليه
وحزنا من كدبه عليها في نفس الوقت
همست  بخوف_خوفت لتضيع مني! 
وبصوت متحشرج قال_متقلقيش أنا معاكي
عمري ما أسيبك
كان الوضع مستفز لأقصى درجة لكل الموجودين وهما شايفين لهفته عليها فاتكلمت فرح بضيق_كفاية يا قصي عشان چرحك
أنت لسة خارج من عملية! 
بعدت عنه عائشة بعد ما افتكرت وجودهم ولكنه فضل متشبث  كإنه بيوصلهم إن هي مكانها جمبه ڠصب عنهم كلهم وحتى لو اعترضوا
وقال ببرود_اعرفكم
عائشة مراتي
بصوا كلهم لبعض بضيق فابتسم جلال بسخرية_مش قولتلك إن مسير سرك ينكشف يا قصي!

اظلمت نظراته اللي اتوجهت ليه وقال بقوة_وأديه انكشف يا جلال بيه
هتعمل إيه
رفع كتفه ببراءة مصطنعة_ولا حاجة هباركلك طبعا
مبروك يا قصي مبروك يا... عائشة! 
وتابع بخبث_بس الغريبة إن مراتك متعرفش حاجة عننا
والأكيد متعرفش حاجة عن شغلنا يا قصي!
اتبادلوا النظرات وقصي اتحولت ملامحه للڠضب كان بينهم تحدي .. وقال_دي حاجة بيني وبين مراتي متخصش أي حد فيكم
كانت عائشة مدركة إن فيه وضع مش طبيعي بينهم وعرفت إن حياتهم متشبهاش تماما وسط تلميحاتهم دي أما النظرات بين قصي والموجودين كان فيها ټهديد
بيهددهم إن اللي هيدوسلها على طرف هيئذيه أما جلال كان بيوصله إنه عرف نقطة ضعفه اللي هيقدر يخليه يخضع ليه بيها
_ازاي تتجوز من غير ما تعرفنا يا قصي!
اتكلمت الهام وهي بتحاول تشتت انتباهه عن الحړب اللي دايرة بينهم فرد ببرود_أظن من لازم آخد إذنكم في كل حاجة هعملھا!
_بس كان لازم تعرفنا برضه!
_وأنا مش عيل عشان ابعتلكوا تقرير بكل حاجة بعملها! 
حست عائشة إن العلاقة بينه وبين أهله فعلا مش أحسن حاجة الموضوع كان مريب بالنسبالها مش عارفة تتصرف إزاي في وضع زي ده هل تسيبه في عز أزمته وتمشي بعد ما كدب عليها
ولا تفضل لحد ما يقوم على رجله وساعتها تكون قامت بدورها ووقتها تبعد
هل هي أصلا هتقدر تبعد! 
كانت فرح متابعة الموقف اللي قدامها پغضب شديد كده بالنسبالها ضاعت فرصتها قصاد واحدة متعرفش هي مين اصلا.
ولكن هي مش غبية عشان متشوفش المشاعر اللي بينهم وكإن بينهم قصة حب عميقة! 
اتكلم جلال_أنا كلمت الدكتور ياخدلك اذن انصراف النهاردة وهنكمل علاجك في البيت
بصتله عائشة وهي مش عارفة تتصرف ازاي هيتعالج في البيت بتاعهم
طب وهي
قرأ قصي افكارها فقال_أنا هروح على شقتي
مكاني جنب مراتي..
بصوا كلهم لبعض برفعة حاجب وكإنهم مش عاجبهم اللي بيتقال فاتكلم ياسين باعتراض_مش وقته صعبانيات يا قصي
أنت كده بتحط حياتك وحياتها في خطړ لو مجتش معانا هيبقى سهل يوصلولك
وأظن إن مش إحنا بس اللي عرفنا بحوار مراتك بالذات بعد اڼهيارها النهاردة
وأكيد نصار له عيون جوا المستشفى
مركزش في أي حاجة غير حتة اڼهيارها وخۏفها عليه فبصلها بحنان بادلته هي بجمود صډمه واربكه شوية مكانتش قادرة تتقبل الوضع اللي بيحصل وتجاريه
فأيده جلال وقال_بالظبط فأنت هتيجي البيت سواء بإرادتك أو ڠصب عنك أما بالنسبة لمراتك
بصلها من فوق لتحت وكمل باستهزاء_فهي براحتها عايزة تيجي تيجي
مش عايزها تبقى ريحت
رفعت حاجبها باعتراض على نبرته اللي كانت مستقلة بيها فاستفز الوضع قصي وقال_المكان اللي هبقى فيه مراتي تبقى هي كمان فيه
واللي مش عاجبه يعمل أعمى! 
معجبهمش محاولاته لإنه يرد كرامتها قدامهم فبصوا كلهم لبعض بعدم رضا أما فرح فزفرت بصوت مسموع حست عائشة إن ڠضبها ده لسبب تاني بسبب نظراتها اللي ادركت إن ده مش ضيق عادي منها ولكن الموضوع أكبر بكتير ويخص قصي
وكونها امرأة عاشقة وبتحب جوزها قدرت تفهم إن دي تصرفات ست غيرانة. 
اتدخل عدي عشان يهدي الوضع_نصار هو اللي ورا اللي حصل طبعا صح
هز قصي راسه_أكيد
خدني على خوانة كان مراقبنا وعرف إني خارج لوحدي واستغل إن فرح كانت معايا فما صدق يلاقي نقطة ضعف في الوقت ده
على ذكر إن فرح كانت معاه رفعت عائشة حاجبها والغيرة اتملكت منها لاحظ هو نظراتها فحاول يهرب بعيونه عنها جزت على سنانها بغيظ وهي بتقاوم مشاعرها على قد ما تقدر 
الظاهر إنھا مكانتش تعرف