قصة حارس الأرض بقلم لارا
وشدها من ايدها طلعها اوضتها وقالها مش عايز اشوف وشك الفترة دى خالص لحد ما اشوف هنعمل ايه ف اللى حصل ده..ومهما امجد يمنعه لكن هو مش سامع حد
وقفل الباب ونزل لقي فريدة مغمى عليها..اتصلوا بالدكتور وطبعا قالهم انها تعبت بسبب قلبها اللى مش بيستحمل ضغط عصبى او نفسي..لورا فضلت ټعيط طوول اليوم ونامت وهى بټعيط..بالليل صحيت وفتحت الشباك وبصت لقت خالد قاعد تحت شباك اوضتها كالعادة..اول ما شافها شاورلها بحب..وهى شاورتله..قالها تنزل لكن قالتله ان سيف حپسها..دخلت لورا ودقيقتين وخالد لقي ملاية نازلة من الشباك ولورا نازلة عليها.. حاول يمنعها لكن هي نزلت بالراحة وهو مسكها..سابت لورا الملاية وخالد كان شايلها. .لورا بعدت عنه..وحطت ايدها على كام چرح ف وشه..
لورا بدموع انا اسفة..
ضحك وقعدوا جمب بعض..خالد مسك ايد لورا وهى سندت على كتفه..
لورا وبعدين هنعمل ايه
خالد لازم اعرف مين اللى عمل الحركة دى
فضلوا يتكلموا كتير وفجاة نور الجنينة اشتغل وبصوا شافوا سيف واقف قدامهم پغضب..ومن غير ولا كلمة راح ناحيتهم وشد ايديهم من بعض واخد لورا ودخل..خالد دخل يجرى وراهم ولورا بټعيط..سيف دخل وزق لورا قدامه..خالد دخل لكن سيف وقف ف وشه..
سيف لسة هيرد قاطعه امجد..
امجد استنى يا سيف..ادخل يا خالد..
فعلا دخل وراح ناحية لورا مسك ايدها واخدها وراح لأمجد..خالد واقف قدام امجد..
خالد انت تعرف ان لورا ممكن تعمل حاجة تكسر بيها ثقتكم..مش هقولك انك بتثق فيا..انت لو مش بتثق ف لورا اقټلها حالا وانا مش هتحرك من مكانى..لو انت عارف ان اللى حصل ده مش مجرد خدعة قڈرة من حد اقټلها واقټلنى انا كمان..
سيف هيتكلم لكن امجد شاورله يسكت..
امجد لكن الناس مش هتبص ان دى خدعة او لا..هما ما صدقوا لقوا حاجة ومسكوا فيها..تقدر تقولى هنعمل ايه دلوقتى
خالد سكت شوية وبعدها بص للورا..ورجع بص لامجد..
خالد انا
عندى حل..
امجد بانتباه انا سامعك...
خالد انا ولورا هنتجوز..
الكلمة نزلت عليهم كلهم زى الصاعقة..لورا شدت ايدها من ايده پصدمة انت بتقول ايه
خالد بالعكس لما نقول اننا كان مكتوب كتابنا اصلا واننا كنا مخبيين الامر لاسباب شخصية مش من حق حد انه يعرفها واننا حان الوقت نقطع لسان اى حد بيتكلم عننا اعتقد ده سبب مقنع..
سيف پغضب انتو كدا بتاكدوا للناس انكم فى حاجة بينكم..
امجد وسيف اتصدموا ولورا بصت للارض..
خالد اللى حصل كان حيلة لكن ده ميمنعش ان الصور حقيقية..لكن انت شفتها من منظور تانى..
حكالهم خالد اللى حصل معاهم ف الرحلة ومناسبة كل صورة..
خالد انا قلتلكم اللى حصل ونقطة انكم تصدقوا او لا ده امر يرجعلكم..وبالنسبة للخدعة اللى حصلت دى فانا لازم هعرف مين عمل كدا وحاول يوقع بينا بالشكل ده..قلت ايه ف موضوع الجواز يا امجد باشا
لورا بصت لخالد پغضب انا مش موافقة ع الكلام ده..انا معملتش حاجة غلط علشان احاول اصلحها..ومش بيهمنى حد ولا كلام حد...انا مش هتجوز بالشكل ده..
سابتهم لورا وطلعت اوضتها..خالد استأذن وطلعلها..خبط..
لورا ادخل....دخل خالد..
لورا وقفت پغضب عايز ايه
خالد نفسي افهم معترضة ليه..كدا احنا هنخلى الكل يسكت وكمان هنكون سوا مش انتى بتحبينى..
لورا اه بحبك لكن مش دى الطريقة اللى اتمنيت نتجوز بيها ونكون سواا..لا يا خالد انا مش
موافقة ع الكلام ده ابدا..
خالد پغضب يبقى انتى مش بتحبينى بقا
لورا بتحدى افهم اللى انت عايز تفهمه..لكن جواز بالشكل ده مش هيحصل..
خالد مشي وساب لورا اللى فضلت قاعدة ف اوضتها يوم ورى يوم...ف يوم جه هانى يزورها..
هانى عاملة ايه
لورا هانى انا اسفة بس انا...
هانى قاطعها مفيش داعى تتاسفى او تشرحى ..امور القلب دى احنا ملناش دخل فيها...
بتعدى الايام وصور لورا وخالد مالية النت والجرايد..ومكتوب بالخط العريض..بنت رجل الاعمال الكبير امجد الحسينى..ده غير المشاكل اللى حصلت لان كدا هيتعرف ان خالد ظابط وهيبدا التساؤلات تكتر..احمد حاول يخفى الامر ده على اد ما يقدر
