قصه مشوقه
مش متهمة حصل سوء تفاهم من الظابط اللى عملها الاستدعاء وانا قومت معاه بالواجب متقلقش
مصطفى طب الحوار ع ايه برضه
مراد فيه طالبة فى ثانوى فى المدرسة اللى الانسة نيرمين شغالة فيها لقوها فى الحمام عشان كده عملنا استدعاء لكل اللى بالمدرسة عشان ناخد اقوالهم
مصطفى ي ستار يارب راح مصطفى لنيرمين متقلقيش يا حبيبتى هنخلص التحقيق ونروح ع طول بس لازم تهدى
بعد وقت لما هديت اخد مراد اقوالها ورجعت ع البيت مع اهلها ونامت فورا من كتر تعبها
فى مكان ما كان وليد واقف مع نيرة اللى اتكلمت پغضب غبى ...غبى يعنى ايه كشفنا!
نيرة غلطتى انى بعتمد ع شوية عيال
مسكها وليد من شعرها لا بقولك ايه يا حلوة انتى بتلعبى مع الشخص الغلط انتى عارفة ان رقبتك تحت ايدى وانتى فاهمة قصدى ايه فالاحسن ليكى تفوقى لنفسك احسن
نيرة پغضب انت بتهددنى انا هوريك بابى هيعمل فيك ايه يا حشرة
وليد بابى مين يا حلوة سيادة النائب السابق ما خلاص راحت عليه
نيرة دلوقتى راحت عليه انت ناسى انه صاحب الفضل عليك فى تعينك ونقلك ودخولك الشرطة يا زب..الة
وليد قسما بالله لفظ كمان وهلبسك شوية تهم تشرفى بيهم فى السچن بقيت حياتك وكل حاجة ابوكى عملها كان بياخد مقابلها فلوس اد دماغه غير البلاوى اللى داريتها عليكم كلكم خلاصة الحكاية من النهاردة مش عاوز اشوف وشك تانى
جهزى نفسك النهاردة يا قلبى عشان فى ناس جاية تزورنا والزيارة مخصوص ليكى انتى
نيرمين باستغراب ليا انا! ناس مين دول يا بابا!
حسن الاستاذ مراد واخته ملك مراد كلم اخوكى وقاله ان ملك عايزة تيجى تطمن عليكى فقولتله ينوروا فى اى وقت.
نيرمين فيها الخير والله طيب هما هيجوا امتى
حسن ع الساعة ٦ ان شاء الله
نيرمين تمام يا بابا حاضر
فى تمام الساعة ٦ مساءا وصل مراد ونيرمين ومعاهم كيان وكنان واستقبلهم مصطفى وحسن وزينب بالترحيب وبعد مدة خرجت نيرمين وجرى عليها التوأم .
نيرمين انتى بكاشة اوى ع فكرة هى حصة واحدة بس اللى غيبتها واكيد مبسوطة
كيان لا ابدا والله ده احنا بنحبك اوى
كنان اه والله يا مس بنحبك خالص وبنستنى ميعاد السيشن عشان نشوفك
نيرمين يا روحى تعالوا نقعد
سلمت نيرمين ع ملك ومراد وقعدت جنب والدتها وجنبها كيان وكنان
حسن نورتونا والله يا جماعة
ملك ربنا يبارك فى عمرك يا عمى مس نيرمين غالية عندنا جدا وانا شخصيا بعتبرها بمثابة اختى الصغيرة وكمان الولاد متعلقين بيها اول مرة يحبوا مدرس بالشكل ده
نيرمين ربنا يعلم انا كمان حبيتهم اوى هو اى نعم اشقية جدا بس كيوت
حسن باهتمام خير يا ابنى انا معاك
مراد بصراحة انا جاى طالب القرب فى الانسة نيرمين
اټصدم كل الموجودين ما عدا مصطفى اللى مراد كان معرفه من الاول انه معجب بنيرمين وعاوز يتقدم ليها ... حسن والله يا ابنى انت فاجئتنى واكيد شرف لينا اننا ننسبك بس القرار فى الاول والاخر لنيرمين
ملك بابتسامة ها يا مس نيرمين قولتى ايه!
نيرمين بتوتر هو .. بصراحة انا مش موافقة ع طلبك يا استاذ مراد عن اذنكم
قامت نيرمين بسرعة بعد ما انهت كلامها ودخلت ع غرفتها ... حسن انا اسف جدا يا جماعة هى بترفض الجواز والعرسان مش عارف ليه!
مراد عم حسن لو سمحت انا حابب اتكلم معاها ع انفراد ممكن!
حسن ايوة يا ابنى بس يعنى.......................
مراد مقاطعا ارجوك يا عم حسن عاوز اتكلم معاها واعرف سبب رفضها مش يمكن يكون عندها سوء تفاهم وانا اقدر احله واقنعها
مصطفى مراد عنده حق يا بابا انا هدخل انده ليها ويقعدوا بالصالة يتكلموا تعال يا مراد
خرج مراد قعد بالصالة ودخل مصطفى ع نيرمين قالها مراد عاوز يتكلم معاكى
نيرمين مفيش حاجة عشان نتكلم فيها يا مصطفى الموضوع منتهى بالنسبة ليا
مصطفى غلط يا نيرمين متبنيش قرارك ع
