قصه ساره والعريس

مع عم حمدى صاحب بابا انها هتيجى تزورنا بعد المغرب استغربت دى كانت لسه عندنا امبارح
وفضلت طول اليوم قلقانه وماروحتش الشغل لحد ماوصلت في معادها ومعاها هدايا قيمه جدا ليا هدوم وبرفانات وشكولاته وكأنها بتقول دى عينه من العز اللي هتشوفيه بس انا ماانكرش انى ارتحت لها
مامامالوش لزوم lلټعپ ده ياحبيبتي وكفايه اللي جبتوه امبارح
زهره مفيش حاجه تغلى علي ساره وسواء حصل نصيب او محصلش الله لا يقدر فالحاجات دى پتاعتك ياساره ربنا وحده يعلم انتى دخلتى قلبي ازاى
حسيت پکسۏڤ من كلامها ووشى احمر بصيت في الأرض وسكت
زهره ضاحكه من اول ماشوفتك وانتى واخده قلبي بكسوفك ده ربنا يحميكى كنت عايزه اتكلم معاكى ياحبيبتى في كذا حاجه وانتى بعدها قررى براحتك ولو عندك اى سؤال اتكسفتى تسأليه لمحمد اسألينى وانا هجاوبك

بصيت لها وكل الكلام راح من عقلي
زهره بصي ياحبيبتي محمد ابنى الكبير واخوه أحمد اصغر منه ب٣ سنين متجوز وعنده بنوته صغيره واخوه الثالث عمر عنده ٢٨ ولسه عريس بقاله كذا شهر واخر العنقود زينه عندها ٢٣ مخطوبه وفرحها بعد اربع شهور وأمنيه حياتي أطمن علي محمد مع بنت الحلال اللي تصونه وتتحمل ظروفه
كل ده وانا بسمعها وساكته
زهره طيب مش عايزه تسألينى اى سؤال عنه!!
بصيت لها وانا حاسه ان غباء الكون هبط علي دماغى ومش فاكره ولا سؤال من اللي كنت ناويه اسأله
ساره بعد تفكير هو مهندس ايه اصل غريبه ان حد يكون حسيت انى بلبخ سكت وماكملتش
زهره محمد مهندس في البرمجه كل شغله علي الكمبيوتر وماشاء الله عليه مسميينه العبقرى كان من أوائل دفعته واخد الماجستير وبيحضر الدكتوراه وكمان جايله فرصه شغل ممتازه في انجلترا هيسافر يشتغل وياخد الدكتوراه من هناك ولو حصل نصيب هتسافرى معاه
كنت مركزه معاها في كل كلمه
زهره هو ماعندوش غير شغله فتلاقيه بيبان جد قوى وشديد بس من جواه طيب وحنون وعنده عزه وكبرياء 
مالوش حدود طيب مش عايزه تعرفي ليه مااتجوزش لحد دلوقتي!
بصيت لها بلهفه وهزيت راسى
زهره محمد كان بيحب زميلته
في الكليه وكانوا متفقين على الجواز بعد التخرج وكانت من عيله كبيره بس أهلها رفضوا الناس بتحكم من المظهر تعرفي جوزوها واحد تانى بهدلها وطلقھا ولما اهلها راحوا لمحمد اعتذروا له وقالوله احنا موافقين تتجوزها محمد رفض لانهم جرحوا كرامته في الأول وفضل كذا سنه ماعندوش غير شغله ومهما ازن عليه مايرضاش لحد ماجات فرصة السفر دى وكان عايز يسافر لوحده بس انا حلفت مايسافر غير وهو متجوز وروحنا لكذا واحده بس ماحصلش نصيب 
مش عارفه قلبي اتفتح لك وعماله احكيلك كل حاجه ودى حاجه ماحصلتش مع حد قبل كده
ابتسمت لها وانا حاسه بارتياح جامد ناحيتها قلت لنفسي طيب اعمل ايه ده انا ارتحت لام العريس أكتر من العريس نفسه
ساره ربنا يقدم اللي فيه الخير يا طنط وان شاء الله هستخير وهرد علي حضرتك
زهره وانا مستنيه ردك ياحبيبتي ربنا يجعل لنا في القمر ده نصيب استأذن ياجماعه
خرجت زهره وفى دماغى بركان افكار استخرت ونمت عشان اهرب من التفكير
ذكىوالد العريس أيه الاخبار يازهره طمنينى!
زهره مستبشره خير إن شاء الله توافق قالت هتستخير وترد
في اللحظه دى بيدخل محمد
محمد السلام عليكم ازيكو يا جماعه اخباركم
ذكى الحمدلله بخير اخبارك انت ايه!
محمد هلكااااان هطلع انام عشان عندى شغل مهم الصبح
زهره پضېق يعنى ماسألتش عملت ايه عند العروسه!
محمد بعدم اهتمام اه صحيح عملتي ايه!
زهره صبرنى ياربي ياحبيبي فكر
شويه في نفسك
زى ما الشغل مهم جوازك مهم مش عايز تعمل بيت واسره!!
محمد حاضر ياماماتصبحوا على خير
زهره پعصبيه ده انت حتى ماسألتش العروسه وافقت ولا لاء
محمد مش عايز اعلق نفسي بحاجه ممكن ماتحصلش توافق او ماتوافقش هسافر بعد شهر
عدى كام يوم وانا متردده وكمية زن مش طبيعيه من ماما وبابا كل اما افكر في المستوى اللي هروحله وكمان هسافر بره حاجه مكنتش أحلم بيها وابقي حاسه انى موافقه ولما افكر في ظروفه وفرق السن ارجع أتردد
فضلت كده ٣أيام ومش قادره اعرف ليه في لحظه قولتلهم موافقه طبعا كانوا هيطيروا من الفرحه وانا مش حاسه بفرحه غير انى مبسوطه انهم فرحانين والزغاريد ملت البيت
وبسرعة الپرق لقيت كل حاجه بتجهز من اول ماوافقت
واخدنى اعمل باسبور وجابلي شبكه ماشوفتش زيها
وماما زهره اخدتنى المول واشترت لي هدووم كتير وبرفانات ومكياجات وانا طايره من الفرح زى طفله صغيره فرحانه بهدوم العيد وجابتلي موبايل حديث
كانت هدى جارتنا بتيجى تعلمنى استعمله ازاى
وكل ده والعريس اهتمامه قلېل ماما زهره بتكلمنى كل يوم وهو احيانا يصادف وجوده في البيت فتديه ماما زهره التليفون يطمن عليا بكلمتين وخلاص
لحد ماجه يوم الفرح ماما زهره جهزت أوضة محمد وقالت نقعد معاها ال٣ ايام دول قبل مانسافر رغم انه له فيلا لوحده بس انا فرحت عشان هبقي مع ماما زهره اليومين دول
كان يوم اسطورى كل حاجه كانت تحفه