قصه كامله مشوقه

لوحدك انتى عاوزة تخلينى اټجنن
عهد اهدى ي حبيبى مش هتأخر وبعدين هتخاف عليا ليه ما خلاص اللى كنت خاېف عليا منهم زمانهم محبوسين اصلا انا خلصت وجاية ع المستشفى انت فين
ابراهيم انا نازل دلوقتى رايح مشوار مهم
عهد خليك مكانك متتحركش انا جاية حالا
ابراهيم مينفعش لازم انزل دلوقتى
عهد من فضلك ي ابراهيم خليك مكانك بس ولما اجى ابقى انزل براحتك 

فضل ابراهيم معاها ع الخط لحد ما وصلت ودفعت تمن العملية وطلعت بكشف الحساب واعطته للدكتور اللى بدء بسرعة مع الممرضات اجراءات العملية 
ابراهيم پغضب ازاى تعملى كده وتتصرفى من دماغك من غير ما تاخدى رأيى
عهد وهى تمسك وشه بايدها اولا ده مش موقف يستدعى الڠضب ابدا اهم حاجة ان انس يقوم لينا بالسلامة ثانيا الفلوس دى بتاعتى دهب ماما الله يرحمها انا بيعته عشان مكنش ينفع امشى بيه واظن انا وانت واحد مش ده كلامك دايما ولا دلوقتى انا راجل وانتى ست!
حسن ايوة ي بنتى بس المبلغ كبير اوى
عهد ولو ضعفه يهون ويكون فدى انس وبعدين ي بابا ده ميجيش من بعد خيركم المهم بس ندعى دلوقتى
هيام حضنتها وقالت مخيبتيش ظنى فيكى من يوم ما دخلتى ع بيتنا
لاحظت عهد وجود رضوى واڼهيارها وكانت ف عالم تانى قربت منها انتى خطيبة انس 
رضوى ايوة انتى مين
عهد انا مرات ابراهيم اسمى عهد 
رضوى ايوة عرفتك انس كان بيحكيلى عنك والفترة الاخيرة كان مضايق اوى من نفسه ومن تعامله معاكى ارجوكى سامحيه والله مفيش احن منه ولا من قلبه
عهد انا عارفة انس اخويا الكبير ومهما يعمل انا عمرى ما ازعل منه ابدا وبعدين احنا اتصالحنا المهم دلوقتى اهدى لازم تكونى قوية 
رضوى ع الله بس يقوم بالسلامة انا بحبه اوى ي عهد
حضنتها عهد وحاولت تهديها ويعدى الوقت ويطلع الدكتور بابتسامة طمأنينة الحمدلله العملية عدت ع خير وحالته مستقرة وهيدخل العناية دلوقتى
هيام اللهم لك الحمد ارجوك بس ادخل اشوفه الله يخليك
الدكتور معليش ي حاجة مينفعش يعدى بس ٤٨ ساعة وهيفوق ونطمن عليه وتقدروا تشوفوه 
عدى الوقت وفاق انس واستعاد قوته وصحته اما رضا والهام اجلوا سفرهم لحد ما يتعمل فرح عهد وابراهيم وطبعا كانت عهد معاهم وسريعا جاء يوم الزفاف وكانت عهد مع ابراهيم بالكوشة وحواليها اهلها وشروق وسوسن وضيف مكانش ف حسابتها 
عهد پخوف انتى جاية ليه عاوزة منى ايه تانى!
نرجس بدموع مټخافيش يا عهد انا مش جاية اضايقك او ابوظ عليكى فرحتك انا بس جاية اطلب منك تسامحينا
عهد اسامحكم ع ايه ع ضربكم واهانتكم ولا حبسى ف اوضة الكلب ولا حقى اللى اكلتوه عليا ولا ابنك اللى كان عاوز يتجوزنى ڠصب ولا انكم خلتونى اهرب واكره البيت اللى عيشت فيه اجمل حياتى وفيه ذكريات طفولتى اسامحكم ع ايه ولا ايه!
نرجس انتى عندك حق بس ربك منتقم جبار فتحى وقاسم لما اتقبض عليهم واتعمل عنهم التحريات طلع وراهم بلاوى ڼصب واحتيال وتزوير وتهريب من الجمارك وتجارة عملة وغيره والاثنين اتحكم عليهم بالمؤبد يعنى انتى ارتاحتى من اذاهم للابد انا مش جاية عشان كده انا جاية عشان اعطيكى ده
عهد باستغراب ايه ده
نرجس ده تنازل من فتحى ليكى عن حقه ف ورث المرحوم ابوكى وبيقولك ارجوكى سامحيه اما حقك فلسه موجود زى ما هو وربنا يتمم ليكى بخير عن اذنكم
ابراهيم بفرحة مبارك ي حبيبى
سوسن الحق عمره ما يضيع ابدا والمال الحلال مسيره يترد لصحابه
آية خلاص بقا احنا هنقلبها دراما يلا نضحك عشان الصورة تطلع حلوة 
وبكده نقول تمت بحمدالله