همسات من عوالم مجهولة

طلعت حامل.. وبعد ٤ شهور روحت عملت سونار عرفت اني حامل في توأم وعدت الايام وجم للدنيا منى واحمد .
حصلت تالت مصېبة في حياتي سامحني على التعبير بس بالفعل كانت كدا من بعد مۏت اختي مها وبعدها اختي منى .. ختمت بمۏت أخويا احمد!! .
ياااه يا دكتور لو اقولك احمد كان ايه بالنسبالة لينا والمشكلة يا شيخ ان مۏته تشبه مۏت اختي بالظبط.. كان في الشارع مع اصحابه طلع البيت قال لمراته انه حاسس بۏجع في صدره والۏجع زاد لحد مبقاش قادر ياخد نفسه وطلعت روحه الجميلة للي خالقها ماټ وساب وراه ٤ بنات .
ماتتخيلش حزني عليه كان عامل ازاي .. ولحد النهاردة كل ما افتكره اعيط ومقدرش امسك نفسي ربنا يرحمك يا احمد .. ربنا يرحمك يا حبيبي.. لما يوحشني كنت بشوفه في بناته واشم ريحته فيهم.
ولان ربنا مدينا نعمة النسيان مع الايام الألم والحزن الشديد اللي جوايا بدا يبقى اهدى شوية لكنه فضل موجود.
تعبت اوي الفترة دي ومكنتش بقدر اقف على رجلي وجالي مرض السكر ووراه الضغط وبقيت عايشة بين الادوية والبراشيم والانسولين وكل علاج السكر والضغط وبعد سنتين من ميلاد منى واحمد .. جت هنا وكانت مسك الختام .
المشكلة ان ادم كان مغلب ابوه ومكنش عايز يقف في المحل بعد ما قرر يسيب المدرسة وقال لابوه انه هيبقى راجل يعتمد عليه وهيبقف في المحل لكنه خلف وعده.
ومع ذلك غلط بدير غلطة كبيرة لما قرر يشارك اخوه الكبير في محل موبيليا وعفش .. لان المشاكل بينهم منتهتش بالعكس زادت لان اخوه اغلب الوقت في المحل واتضح انه كان بيسرق بدير لان بدير كان مركز في محل الموتوسيكلات بس لما انتبه بدأ يروح للمحل التاني واهمل محل الموتوسيكلات بعد رفض ادم انه يقف فيه.. ومع الوقت خسر بدير فلوسه في محل الموبيليا واخوه خد فلوسه كلها.
وفضلنا في صراع دايم يا شيخ لحد اللي حصل واللي تعتبر هي الهدة الاخيرة وضړبتي الاخيرة اللي جت ف مقټل لما بدير جوزي وصحبي وعشرة عمري وحبيبي ماټ وسابني !!.
ماټ يا شيخ وسابني وسط كل اللي بيحصل ده مۏته شبيهة بمۏتة احمد اشتكالي من صدره وانه مش قادر ياخد نفسه صحيت ادم يروح يشوف دكتور.. مقدرش بدير انه يصبر وقال انه هيروح هو المستشفى ومستناش اني البس واجي معاه قالي وهو بياخد نفسه بالعافية 
_ لا خليكي الساعة ٤ الفجر .. خليكي .
ونزل من على السلم وهو بيكح وصوت نفسه عالي مش عارفه جبت الجرأة دي منين لما قولتله تلقائي جملة طلعت مني 
_ اتشاهد يا بدير .. اتشاهد .
نزل بعض درجات السلم ورفع صباعه وقال وهو بيكح 
_ اشهد ان لا اله الا الله .. اشهد ان محمد رسول الله .
فضل يكررها ونزل كام سلمة كمان ولما غاب عن نظري وسمعت صوت هبدة قوية قولت لعيالي اللي كانوا واقفين خايفين على ابوهم 
وبالفعل ماټ يا شيخ.
عايز اقولك ان عزاه كان جميل اوي ناس كتير
جدا مشي في جنازته.. كان محبوب الله يرحمه. 
مقدرتش اكمل للشيخ ولا استحمل اكتر من كدا قمت معيطه وانا بكلم الشيخ عيطت بحړقة لاني افتقدته اوي .. افتقدته خصوصا بعد اللي شوفته من كسر محل الموتوسيكلات من اخو بدير من كتير اوي .. لدرجة ان امهم فضلت اسبوعين بحالهم تدعي عليهم بالليل والنهار وكان تعبها زاد جدا وكانت كل يوم بالليل