قصه كامله
غير ما حد يحس بأي حاجه إلا أهلها اللي عرفوا كل حاجه من جاسر لكن محدش فيهم قدر ينطق بحرف أو ينسحب لأنها ڤضيحه وعيب في حقهم في الحقيقه
يتبع
الجزء الثاني
اتفضلي ياحلا
قالها بجمود وهو بيفتح باب الشقه اللي جهزها بكل حب هو وحبيبته أو اللي كانت حبيبته
رفعت طرف الفستان ودخلت ببطئ وركبها بتخبط في بعض من الخۏف
ا احم ا اتفضلي غيري فستانك وانا هفضل هنا لحد ما تخلصي براحتك
هزت راسها ودخلت بسرعه علي الاوضه وهي قلبها بيدق بين ضلوعها
قفلت الباب وسندت ظهرها وحطت ايديها علي قلبها وحاولت تاخد نفسها اللي راح
مينفعش ياحلا مينفعش اللي بتفكري فيه ده
مره تانيه عشمتي نفسك لما بدأ يقرب منك وينطلك كل شويه في مكان شغلك ويجبلك هدايا و ورد ويطلب منك تخرجوا سوا وفي النهايه تكتشفي أنه كان بيعمل كل ده عشان بس يقدر يقرب من اختك اللي مش مدياله وش
بقي كفايه اوهااام جاسر خدعك انتي كنتي مجرد كوبري عشان يوصل لأختك لا اكتر ولا اقل كل مشاعرك كل اوهامك كل اوجاعك محدش هيقدر يحس بيها غيرك
كانت بتقول لنفسها كل الكلام ده عشان تفوق ومتفضلش عايشه في وهم نهايته ۏجع قلب زي كل مره وهمت نفسها بحاجات ومحصلتش
غيرت هدومها لبيجامه من بيجامات اختها وفردت شعرها علي ظهرها وخرجت
ا احم
رفع وشه ببطئ واول ما شافها بصلها وهو بيسألها بهدوء
خلصتي
فركت ايديها بتوتر وهزت رأسها
ايوه
شاورلها تقعد بنفس الهدوء
اقعدي يا حلا
قعدت علي الكرسي اللي قدامه وهي حاطه وشها في الأرض بأحراج وقلبها بيدق بلهفه وحب
قعد علي طرف الكنبه وبصلها لحظه وهو متردد يسألها أو لا
هي كارما كانت بتحب حد تاني
هزت راسها بنفي لا
رد بضيق
حلا لو سمحتي متكذبيش عليا
صدقني معرفش ه هي عمرها ما حكيتلي عن حد تاني
طب عمرها اتكلمت عني معاكي
اتكلمت عنك ازاي يعني
يعني عمرها مثلا اشتكيتلك مني !
اتنهدت وهي بتهز راسها بنفي
ابدا ابدا
يعني عمرها ما قالتلك مثلا اني ضايقتها باي تصرف يمكن اكون
عملت حاجه زعلتها يمكن اكون كنت بتعامل معاها وحش أو اكون مش الشخص اللي هي كانت بتتمناه أو...
قاطعته والدموع بتلمع في عينيها
بالعكس هي كانت ڈم ..ا تحكي عنك بالخير
كانت بتقول
