اتصل عليا رقم غريب
عارفة جاي ليه
قلتله إتفضل
دخل الأنتريه وسألني أومال فين علي قلتله نايم لسه ما صحيش
قالي كويس أنو نايم علشان ما يسمعش الكلام هيتقال دلوقتي
أنتي طبعا عارفة أنا جاي أكلمك في إيه
قلتله وهعرف منين
ضحك ضحكة عالية وبعدها كشړ وقالي ما خلاص يا مرات أخويا بلاش لف ودوران
قالي من الأخر كده أنا إتفقت مع أحمد يكلمك وكل مكالمة كنتوا بتتكلموها كنت ببقي قاعد جنبه
و سامع المكالمة من الأول للأخر هاااا تحبي أقولك كنتوا بتقولوا إيه كمان ولا كفاية كده
قلتله إيه اللي أنت بتقوله ده الكلام ده ما حصلش وأنا ما كلمتش حد وحتي لو قلت لجوزي الكلام ده مش
قالي مين قالك إني هقوله حاجة
وراح مطلع التيليفون من جيبه وشغله علي تسجيل ليا أنا وأحمد
و قالي هو هيسمعك بنفسه ومش هو بس دي بلدنا كلها هتسمعك
بس ممكن نتفاهم
بعد ما سلفي واجهني بالتسجيلات حسيت إن الدنيا إسودت في وشي
زعقت فيه وقلتله حرام عليك بتعمل معايا كده ليه أنا عملت معاك إيه
قالي كانت أمه فكرت فيه قبل ما تخون أبوه
قلتله أنا أنا ما خنتهوش وما حدش لمس مني شعرة كل ده كان مجرد كلام
و أنت عارف كده كويس كنت مڼهاره وبعيط وكل اللي بيدور في بالي فضيحتي
اللي هتبقي علي كل لسان
لما قالي ممكن نتفاهم ما كانش قدامي غير إني أقبل بكل اللي هو عاوزه مع إنه هو السبب
قلتله طلباتك
قالي تطلبي الطلاق وكمان تتنازلي عن كل حقوقك
قدامك أسبوع أسبوع واحد أسبوع ويوم واحد تسجيلاتك ورسايلك
هتبقي علي كل تيليفون في بلدنا ومش بلدنا بس لأ والبلاد اللي جنبنا كمان
دي هتبقي ولا حكاية ألف ليلة وضحك ضحكة عالية وسابني ونزل
كنت بودع فيه جوزي وشقتي وحياة كاملة عشتها بدفعها تمن غلطة واحدة
في لحظة ضعف
ده حتي بعد ما أنفذ طلبات سلفي ما عنديش أي ضمان يضمن لي إن سلفي ما يفضحنيش
بعد ما أعمل كل اللي هو عاوزه
كان أملي الوحيد إني لما أبعد وأسيبله الجمل بما حمل يسبني في حالي
و طلبت الطلاق
جوزي وأهلي ما كانوش مصدقين اللي بيحصل وكانوا فاكرين إن دي لحظة شيطان وهتروح لحالها
بس أنا أصريت وقلبي كان بيتقطع
الغريبة بقي إني وصلني إن سلفي كان بيعقل جوزي ويقوله حافظ علي بيتك علشان في
بينكم طفل وكان بيوسط
ناس علشان أرجع عن اللي في دماغي علشان يبان قدام الناس الراجل التقي النقي اللي مافيش زيه
بس كل ده ما كفاش سلفي
