رواية ضي الحمزة (كاملة جميع الفصول )بقلم رحمة سامي
علي بيت بعد ما نضفت الفيلا
اول ما ضئ وصلت البيت ودخلت اوضتها وهي سرحانه في حمزة وكلامه دخل ابوها وفضل يتكلم وهي ولا هنا قرب منها وهزها
عم سعيد اي يا بنتي في اي مالك بقالي ساعة بكلمك يا ضئ اي اللي حصل يا حبيبتي اوعي يكون حمزة بيه كشفك
ضئ لا يا بابا اطمن انا كويسه البيه مش حاسس بحاجه خالص متقلقش
ضئ بخضه ترجع شغل اي يا بابا انت تعبان ومش قد شغل البيه ارتاح انت ومتشغلش بالك بيا خالص
عم سعيد يا بنتي انتي متعلمه ومهندسة قد الدنيا الشغل دا مش ليكي يا حبيبتي اول ما ارجع انزلي دوري علي شغل بشهادتك
ابوها قال الكلمتين دوال وخرجوا وضئ مبقتش عارفه تعمل اي وفجاه جتلها فكرة في دماغها وضحكت بفرحة وبداءت تستعد ليها
نسرين هو لازم كل يومي تيجي توصلني شركتي انت مش وراءك غيري ولا اي يا احمد متجيب من الاخر عايز مني اي
احمد في اي يا نسرين انتي ليه بتعامليني كدا هو انتي مش عارفه اللي فيها
نسرين وانا سبق وقولتلك مليش في جو الحب والارتباط والشغل دا انا حياتي عملية وبس
ضحكت نسرين بقي انا نسرين هانم اتجوز واحد زايك انت بتحلم يا احمد بقولك اي من النهارده مش عايزة اشوفك تاني
احمد انتي بتقولي اي يا نسرين هو دا جزء حبي ليكي حمزة كات عنده حق انتي متنفعيش تكوني زوجة ليا اتفضلي انزلي يا نسرين هانم
مشي احمد وهو متعصب اوي وراح عند حمزة في الفيلا ضئ فتحتله وهو بسرعه طلع لحمزة وفتح ستاير البلكونه
احمد قوم يا ابني بقي اي النوم دا كله
حمزة اقفل النور دا يا احمد حرام عليك هلاقيها منك ولا من الکابوس اللي حلمته
احمد كابوس اي دا ان شاء الله احكيلي يا اخويا
احمد وهو بيضحك لا بجد مش قادر بتبوس راجل يا حمزة يخربيتك نستني الهم اللي فيا
حمزة خير الهانم بتاعتك عملت اي ما انا عارف الرخامه اللي علي الصبح
دي ليها سبب كبير
احمد قوم بس البس وهحكيلك في الطريق
قام حمزة وخرج من غير ما يقول لضئ حرف وا ضحكت
وصل حمزة واحمد الشركة ودخلوا المكتب وبعد شوية دخل السكرتير ومفيش لحظات ودخل وراه اللي صدم حمزة
اټصدم حمزة اول ما شاف بنت قدامه اقل ما يقال عليها جميله وبقي سرحان في حمالها وعيونها الزرقاء الصافية ومفيش لحظات وفاق لنفسه واتحول وشه لڠضب
حمزة مين دي وازاي دخلت الشركة وازاي تدخلي مكتبي بالشكل دا انتي فاكره نفسك مين
ضئ انا بجد بعتذر بس كان لازم اقابل حضرتك بي اي شكل انا بجد محتاجه اتكلم معاك
حمزة ممنوع اي ست تدخل هنا اتفضلي اطلعي بره انتي مش مرحب بيكي ولا هيترحب بيكي
ضئ بس اسمعني الاول يا حمزة بيه وبعد كدا ممكن تطردني او تعمل اللي انت عايزوا
احمد متهدي
يا حمزة في اي شوفها عايزة اي
الاول وبعدين ابقي اتصرف
حمزة احمد انت عارف مبدائي ممنوع ست تدخل الشركة وبالذات مكتبي
قربت ضئ حته لو جيبالك مشروع هيخلي شركتك اسمها يسمع في كل مكان
احمد قصدك اي احنا مش فاهمين حاجه
ضئ بابتسامه صاحب الشركة يسمحلي وانا افهمكم كل حاجه وبالتفاصيل
اتنهد حمزة اتفضلي قولي اللي عندك بس خلي بالك دي فرصتك الوحيده لو كلامك معجبنيش في ثانية إلا ثانية مشفكيش هنا
ابتسمت ضئ بانتصار وانا واثقه ان كلامي هيعجبك يا حمزة بيه
قعدت ضئ وبداءت تشرح كل حاجه عندها بكل بساطة واسلوب مميز وكان حمزة واحمد بيسمعوها بانبهار وبعد ما خلصت
ضئ اي رايك يا حمزة بيه قولت لحضرتك ان كلامي هيعجبك
حمزة منكرش ان مشروعك حلو بس للاسف انا مش بشتغل مع ستات اتفضلي من غير مطرزد
احمد انت بتقول اي يا حمزة بلاش تسرع
ضئ مش مشكلة دا رقم تلفوني تقدر تفكر يا حمزة بيه وهستنا مكالمتك ومتاكده انك هتتصل يلا باي
خرجت ضئ بثقه واحمد قال انت اي اللي بتعمله دا هتفضل لحد امتا موقع الشركة كدا كفايه يا حمزة تعقيد بقي البنت مشروعها كويس والشركة محتاجه مهندسة زايها
حمزة مش هقدر يا احمد مش بي ايدي انا مش هقدر اشتغل مع ست هما مش بيجي من وراهم غير الخيانه والغدر وبس
احمد صوابعك مش زي بعضها يا حمزة فكر وانا متاكد انك هتاخد القرار الصح عن اذنك با صحبي
اتنهد حمزة وبقي يطلع كل غضبه في الشغل واحمد راح مكتبه وبقي يفكر في نسرين واللي قالته من ناحية تانية نسرين كانت في مكتبها وبعد شوية وصل الشخص اللي هي بتحبه
يونس اي يا بنتي بقالي ساعه بتصل بيكي مش بتردي عليا ليه
نسرين سوري يا بيبي انا بس مخڼوقة شوية الزفت اللي اسمه احمد عصبني قال اي بيحبني
يونس بخبث هو احمد دا مش اللي شغال مع حمزة واكتر حد حمزة بيثق فيه ومسلمه كل اسراره وشغله
نسرين ايوة هو زفت انا مش عارفه ازاي اتجراء وطلب ايدي هو فاكر ان سهل يوصل للنجوم
يونس طب وفيها اي يا حبيبتي متوافقي واتخطبوا اي رايك
نسرين پصدمه انت بتقول يا يونس اتخطب لمين انت نسيت اني بحبك واننا مرتبطين
يونس يا حبيبتي افهمي انتي اهلك مستحيل يوافقوا بيا عشان الفرق بينا وانا عندي خطة حلوة هتعجبك وهتخلي اهلك قدام يقتنعوا بيا
نسرين بشك خطة اي دي اللي تخليني اتخطب واكون مع حد غيرك
يونس اسمعي يا حبيبتي وانتي هتفهمي كل حاجه
قعد يونس يحكي خطته لنسرين وهي بتسمع مبهورة بيه وبعدين قالت يخربيت دماغك يا يونس بس تفتكر هنقدر عليهم انا مش واثقه في احمد دا خالص
يونس متقلقيش يا حبيبتي انا هكون معاكي خطوة بخطوة اتفقنا
نسرين ماشي يا حبيبي انا اعمل اي حاجه عشان خاطرك المهم اننا نكون سوي في الاخر
يونس اكيد يا حبيبتي اكيد اطمني
في البيت رجع حمزة وهو تعبان وقعد علي الكنبه وهو سرحان وكل اللي قدامه ضئ وعيونها وضحكتها وبس
ضئ انت كويس يا حمزة بيه يعني راجع بدري في حاجه حصلت معاك
حمزة هي حلوة ازاي كدا يا حسن انا اول مره اشوف بنت بالجمال دا ولا عيونها الزرقاء زي السماء وضحكتها الرقيقه اللي مشفتش في براءتها
ضئ وهي مكسوفه اي دا يا بيه انا اول مره اشوفك بتتكلم عن واحده ست دي مين اللي امها دعيلها دي
حمزة بعد ما فاق لنفسه ست ست اي يا حسن انت بتقول اي انا بس شكلي سخن وبخرف متشغلش بالك انت خلصت الاكل ولا لسه
ضئ ايوة يا بيه كله جاهز من بدري بس اعذرني يعني انت شكلك مسحور بواحده
حمزة پغضب واحده اي وزفت اي فوق يا حسن مش حمزة اللي يسلم نفسه لواحده ست انا فاهم
ضئ پخوف فاهم يا بيه فاهم انا اسف ليك وعمتا هانت وهتخلص مني وابويا هيرجع للشغل
حمزة طب كويس رغم اني كنت اتعودت عليك بس قولي صحيح هو انت وشك احمر كدا ليه كنت واقف في المطبخ مش كدا
ضئ بتوتر ايوة يا بيه كنت بحضرلك الاكل بس عندي سؤال فضولي
حمزة عارفاك رغاي ومش هخلص منك قول سؤالك يا حسن
ضئ بتوتر هو حضرتك بتكرهه الستات كدا ليه دوال هما سبب وجودنا بعد ربنا طبعا
اتنهد حمزة وهما سبب خروج سيدنا ادم من الجنه برضو الستات دي مش بيجي من وراها غير الخړاب وبس اوع تسلم قلبك لواحده ست يا حسن اسمع مني
ضئ مع احترامي ليك بس انت فاهم الستات غلط وظالمهم وصوابعك مش زي بعضها احيانا بتكون في ست بمية راجل عن اذنك هحطلك الاكل
خرجت ضئ وحطيت الاكل وبعدين روحت بيتها وحمزة طلع اوضته وفضل ماسك التلفون وفاتح رقم ضئ ومش عارف يتصل ولا لا
في بيت ضئ بعد ما روحت واتعشيت مع ابوها قعدوا في البلكونه سوي وهما بيشربوا شاي بالنعناع حاولت ضئ تتكلم
ضئ بابا هو ينفع اسالك سؤال فضولي كدا
عم سعيد خير يا حبيبتي في اي قولي كل اللي في قلبك من امتا التوتر دا
ضئ هو يعني اي سبب كرهه حمزة بيه للستات اظن اللي زايه مدخلش في علاقة قبل كدا
عم سعيد بحزن السبب هو امه يا بنتي
ضئ پصدمة امه
عم سعيد ايوة امه يا بنتي دي كانت ست شيطانة كانت السبب في شلل ابو حمزة وبعدها سابته مريض السرير وهربت مع عشيقها بعد ما اخدت معظم فلوسه
ضئ هو بجد ممكن حد يعمل كدا طب وابنها ذنبه اي بس في كل دا يا بابا حمزة لازم يتعافي من الموضوع دا بي اي شكل
عم سعيد حاولت معه كتير يا ضئ بس مفيش
فايدة حمزة بقي متعقد علي الاخر وبيكرهه كل الستات بسببها
ضئ بابتسامه سيبها عليا يا بابا انا عارفه هعمل اي وحمزة هيتعالج بمزاجه او
ڠصب عنه
عم سعيد خليكي بعيدة يا ضئ
حمزة رغم اني مربيه بس هو شخص مؤاذي اوي في غضبه وانتي مش قدها يا حبيبتي وانا مش مستغني عنك
ضئ وهي بتحضنه عيب عليك يا حج دا انا بنتك يتخاف مني وميتخفش عليا انا عارفه هعمل اي متشغلش بالك بس اهم حاجه انت مخلف ولد اسمه حسن مش بنت اسمها ضئ فاهم يا بابا
عم سعيد ماشي يا حبيبتي وانا واثق فيكي يلا بقي ادخلي نامي عشان الشغل بدري
دخلت ضئ اوضتها عشان تنام ولسه هطفي النور تلفونها رن بصيت ولاقيت رقم حمزة ابتسمت بانتصار
ضئ مش قولتلك هتتصل مصدقتنيش بس مش ملاحظ ان الوقت متاخر شوية علي الكلام في الشغل
حمزة پغضب انا مش متصل احب فيكي انا بس حبيت اقولك اني درست الموضوع ومعنديش مشكلة اشتغل معاكي بس هو المشروع دا وبس
ضئ وانا مش محتاجه غير المشروع دا وبس شكرا يا استاذ حمزة وان شاء الله اكون قد ثقتك فيا
حمزة ومين قالك اني بثق فيكي انا حابب اثبت لنفسي ولصاحب عمري ان الستات متنفعش في حاجه وعشان كدا وافقت بيكي ياريت
متفرحيش لانك مش هطولي بينا يلا سلام
قفل السكه في وشها
وهي ضحكت بداية حلوة يلا استعن بالشقي علي الله بقي
حضنت
