رواية اية كاملة

 

أبوه ولكنه بيكرهه...
قاسم ايوا ي زياد عرفت مكانه
زياد أيوا.. للأسف..
قاسم للأسف ليه.. راح عند أبويا...
زياد مش عارف لسه... خلينا نروح نجيبه.. هقابلك هناك...
قاسم أنا خرجت هقابلك أبعتلي اللوكيشن..
............................ 
بعيدا في قرية بسيطة... ياسر كان قاعد مش مصدق نفسه و الفرحه مش سايعاه و كل اللي بيتمناه من قلبه ان الموضوع يتم علي خير..

عبد الله والله ي أبني أنا مليش طلبات.. بس زينة بنتي كانت ليها شوية طلبات تقدوا سوا و تقولك عليها...
عبد الله خرج و ساب زينة و ياسر يتكلموا...
زينة في.. في حاجة مهمه أوي لازم تعرفها عني..
و يتبع... 
بقلمي آية محمد عامر آية_محمد 
حكاية_فرح.
متنسوش اللاف ي جماعه.. كتبت البارت بصعوبه و تعبت فيه ف أهتموا بقي ..Part 10
زينة في.. في حاجة مهمه أوي لازم تعرفها عني..
ياسر حاجه اي!
.............................
قاسم كان بيدور علي أخوه بلهفه و هو مش مصدق ازاي بعد كل دا و كل اللي هو شافه و مر بيه معاهم يروح لمكان زي دا و يرمي نفسه في الڼار دي... 
قاسم لمحه من بعيد و هو واقف مع صحابه و مبسوطين... 
قاسم أنت اي اللي جايبك مكان زي دا!!!!!
خالد پصدمه قاسم إنت عرفت مكاني ازااي! ووو أنا هنا مع أصحابي...
قاسم شده من الجاكيت بتاعه و هو متعصب و خرجوا من المكان و زياد وراهم...و مرديش يقوله اي حاجة أو يزعقله قدام زياد... 
وصلوا للبيت و قاسم كان متضايق من اخوه بشكل كبير....
قاسم پغضب أنت بترمي نفسك في الڼار ليه!!!!
خالد أنا مكنتش اعرف ان المكان فيه حاجه زي كدا أصلا اصحابي هما اللي عزميني عشان بقالنا سنين مشوفناش بعض...
قاسم يبقي تروحوا مكان محترم!!!
خالد پغضب و أنا هعرف منين ي قاسم ان المكان مش كويس و بعدين م أنت جيت و لقيتني لا بشرب حاجه و لا حتي ماسك سېجارة في ايدي...
فارس خرج علي صوت خناقتهم و لقاهم الأتنين واقفين قصاد بعض راح وقف بينهم و هو بيحاول يفهم في اي!
قاسم لما أنت شوفت المكان مش كويس كنت سيبتهم و جيت ي خالد.. أنا مش هحبسك هنا و لا هقولك متروحش مكان انت مش عيل بس تروح اماكن محترمه بتاعت ولاد الناس مش في وسط ناس سكرانه!!! 
هو أنت ملاك يعني مش هتتأثر بيهم ولا هتغلط!!
خالد أنا أعمل اي انا والله م كنت اعرف و مكنش ينفع اسيبهم و أمشي...
فارس شاورلهم پغضب علي كل واحد يقعد في مكان بعيد عن التاني و يسكتوا... ثواني و بص لقاسم عشان يعرف اللي حصل...
قاسم الأستاذ كان في حفله مشبوهه..
فارس بص ل خالد يسمع منه...
خالد والله ي فارس م شربت حاجه ولا خدت اي حاجه والله....
فارس كلمه بلغة الإشارة أنه ميروحش المكان دا تاني و أمره
يدخل اوضته...
قاسم هوا كمان دخل أوضته و بعد شوية لقي رسالة من فارس...
فارس أخوك مبقاش صغير مينفعش تتعصب عليه كدا..
قاسم يعني كنت أعمل اي ي فارس اسيبه!!
فارس لا.. بس تفهم منه انه اتحط قدام الأمر الواقع.. خالد اتأثر بكل اللي حصل زيي و زيك و مستحيل يوقع نفسه...
قاسم حاضر ي فارس اللي تشوفه.. ي كبيرنا ي عاقل...
فارس أيوا طبعا... قاسم هسألك سؤال و تجاوبني بصراحه.. هو أنا مش هتكلم تاني!
قاسم هتتكلم طبعا.. بإذن الله. أنت معندكش مشكلة عضوية ي فارس و أنت الحمد لله بقيت كويس يعني مثلا بنتكلم اهو رسايل مع ان دا نادرا ما كان بيحصل...
فارس طيب اي الحل! اي العلاج ل دا!
قاسم الصبر... مع الوقت هتبقي كويس متقلقش..
فارس طب قوم صالح أخوك.. قوم يلا و أنا هاجي معاك...
قاسم و فارس كل واحد خرج من أوضته و وقفوا قدام أوضة خالد خبطوا و دخلوا كان خالد قاعد علي تليفونه و بيقلب فيه بملل...
قاسم اتاخر شوية كدا خدنا جمبك اي واخد السرير كله...
خالد وسع ي عم بقي بطل رخامه...
قاسم أنا رخم.. انا أخوك الكبير يلا أحترمني شوية..
خالد صحيح... دا أنت بكرا هتروح تتقدم و تخطب بقي و بتاع...
قاسم لسه موافقوش ي عم.. اسكت بقي انا متوتر...
خالد اي ي اسطا متوتر دي م تنشف كدا...
قاسم بضحك أسد يلا في اي!!!
ضحكوا كلهم علي قاسم بس هو فعلا كان متوتر.. قلقان ي تري فرح هتسأله في اي!!!
تاني يوم فرح مراحتش الشركة
لأنها كانت متوترة أوي و عمتها كانت بتروق و هي قاعده بتاكل في ضوافيرها...
عايدة م تقومي م بت تعملي معايا حاجه!!
فرح هو ليه اتقدملي ي عمتو...
عايدة هو انتي ي بنتي عبيطة اي خلاص من كتر رفضك للجواز نسيتي انك بنت و حلوه و محترمه و بنت ناس يعني دا الطبيعي انه يتقدملك عرسان و تقابليهم....
فرح بغرور مصطنع علي رأيك ي عمتو دا انا قمر...
عايدة أنا وصيت علي شوية فرش للشقه المفارش كلها و هيبقي فاضل السجاد و الستاير هو هيبقي عليه حاجه و احنا حاجه نشوف اي هي و نبقي ننزل نجيبها..
فرح وصيتي!! و صيتي مين ي عمتي!
عايدة احم.. ام محمد اللي فاتحه محل علي اول الشارع...
فرح بضيق لا دي أم محمد جارتنا اللي خلت ابنها يسيبني قبل الفرح صح ولا لا
عايدة بقولك اي انا قولت أقهرها.. قولتلها هاتيلي أغلي و انضف حاجه عندك...
فرح طب ليه كدا بس ي عمتو و بعدين بقي هو أنا كنت وافقت اصلا!!
عايدة لا هتوافقي ان شاء الله.. خشي جوا اعمليلك ماسك ولا حاجه علي وشك دا بدل م انتي عاملة زي م يكون عندك مية سنة.. يلا...
فرح دخلت أوضتها و وقفت قدام مرايتها و هي بتكلم نفسها...
فرح انا عجزت بجد ولا اي!! لا ي بت ي فرح زي القمر..
عايده من برا أمر بالستر ي أختي.... علفكرا خالك هيبقي موجود...
فرح أيوا عارفه مهو لازم يكون موجود...
مر اليوم سريعا علي فرح لحد م لقت نفسها واقفه قدام المراية وهي بتظبط طرحتها و بتعدل في هدومها... 
خرجت من الأوضة و بصت علي الباب كان مقفول...
فرح بقولك اي ي عمتوا هو شكله كدا مش جاي.. احسن بردو...
عايدة اي الجمال و الحلاوة دي ي فرح ربنا يحميكي ي رب ي حبيبتي...
جرس الباب رن ف فرح ارتبكت و بعدين اتحركت بتوتر لجوا... 
أما خال فرح فتحلهم و أستقبلهم و عايدة دخلت ل والد فرح و خرجت بيه علي كرسيه المتحرك...
قاسم دخل ومعاه فارس لوحده و سلموا عليهم...و بعدين قعدوا بهدوء.. والد فرح كان بيتكلم كلمات بسيطة بصعوبه لكنه كان حابب يشارك في الكلام...
جلال مم.. منورين..
قاسم دا بنورك ي عمي أخبارك اي دلوقتي..
جلال الح.. الحمد لله... أحسن...
قاسم الحمد لله...
خال فرح عادل زي الفل أهوه و لا خلاص بقيت عجوز...
جلال بهدوء لسه.. شباب ڠصب عنك..
قاسم بدا يتكلم معاهم و عرض طلبه بالجواز من فرح و فارس ساكت لكنه وضحلهم مشكلته في الكلام ولكنه بيسمعهم كويس...
عادل طيب تناديلنا علي فرح ي عايدة...
عايدة حاضر ثواني...
فرح كانت واقفه قدام أوضتها بتحاول تسمع كلامهم و استغربت لما عرفت ان فارس فاقد النطق... 
خرجت و سلمت عليهم و بعدين قعدت جمب والدها اللي باصصلها و هو مبسوط و فرحان...
عادل طيب أحنا هنسيبكم تتكلموا و هنقعد في الصالة برا....
خرجوا و فرح بصت لقاسم و كأنها أول مرة تشوفه.. احساس الخجل و الكسوف كان مسيطر عليها و هو كان مبسوط لما شافها مكسوفه منه...
قاسم شكلك حلو اوي النهاردة ي فرح...
فرح في نفسها هو قصده اني قبل كدا مش حلوة!!!! 
فرح شكرا...
قاسم كان في أسئلة كتير كنت شايفها في عنيكي إمبارح مش هتسأليهوملي!!
فرح بتوتر احم... ليه أتقدمتلي!!
قاسم أعجبت بيكي...
فرح بس كدا!
قاسم ايوا... ي فرح أنتي محترمه و دا مهم جدا عندي و بنت ناس كويسين.. ذكية و ناجحه.. كل دي حاجات حلوة فيكي بس دا أنا عارفه من زمان من ايام م كنا كل م نشوف بعض بخڼاقه... 
بس الفترة اللي فاتت أنا أعجبت بيكي و فكرت انه لو هستقر خلاص ف أنتي اكتر حد مناسب ليا و بتمني اكون مناسب ليكي...
فرح ممكن اسألك عن علاقتك بربنا و بصلاتك...
قاسم ب إبتسامة ماشي ي ستي.. أنا الحمد لله بصلي كل الصلوات في وقتها.. مبشربش حاجه و دا لازم تعرفيه لان حفلات كتير بتاعت شركات كبيرة بروحها و بيكون فيها شرب... 
انتي عارفه شغلي الاساسي في الملابس ف بروح عروض ازياء و بردو بيكون فيها شرب بس انا الحمد لله مبشربش... و لا حتي سجاير.. 
مش هقولك انا عارف كتير في الدين بس عارف اساسياته و بعمل بيها و بتعلم و بعرف حاجات كتير مع الوقت...
فرح ربنا يثبتك.. طيب مستر سالم ليه مجاش..
قاسم طيب.. لازم تعرفي أن علاقتي بيه متوتره بس مش مقطوعه يعني انا اهوه ماسك الشركة عشان هو أبويا و كل حاجه بس احنا مبنتفقش ابدا.. و انا و اخواتي كدا..
فرح بإستغراب غريبة يعني انتوا التلاته..هو عمل اي!
قاسم بضيق عشان هو... ممكن تعفيني من الإجابة عن السؤال دا..
فرح تمام...
قاسم طيب مفيش حاجة تانيه حابه تعرفيها عني..
فرح لا.. لو حابب تسألني عن حاجه..
قاسم الشغل.. لو حصل نصيب تحبي تشتغلي ولا لا..
فرح لا طبعا هشتغل.. شغلي جزء من شخصيتي و كمان أنا مصدر الدخل الوحيد لأهلي..
قاسم أصلا واحده في نجاحك لازم تكمل قرارك سليم.. أخر حاجة هو أنا حابب لو في موافقه يكون الفرح بعد شهرين...
فرح پصدمه شهرين!!!
.................. 
قاسم مشي هو و فارس من عند فرح.. فارس لما شافها أفتكر غرام.. فيهم شبه من بعض و طريقة الكلام و نبرة الصوت للحظات كان حاسس أن اللي قدامه دي هي غرام مش فرح.. 
سند علي شباك العربية و هي بيفتكر لما قابلها للمرة التانية عشان يديها الإنسيال و الكارت...
فلاش باااك..
فارس كان واقف قدام الكافيه
مستنيها تظهر لحد م نزلت من التاكسي و شافته...
غرام استني استني ي اسطا دقيقتين..
جريت خطوتين ناحيته..
غرام هات الحاجه..
فارس يعني انا مكلف نفسي وجاي عشان تاخديهم كدا و تمشي!
غرام اومال انا جاية ليه..
فارس طيب تعالي هنشرب قهوه ولا حاجه..
غرام بضيق أنا اعرفك! عشان اقعد اشرب معاك قهوة.. يوووه اهو السواق مشي...
فارس تعالي ندخل نشرب حاجه.. علفكرا دا مكان عام و في ناس...
غرام طب م تديني الحاجة و خلاص و بعدين كان ممكن تديها لفرح و خلاص ليه المرمطه دي!!!.
فارس و دا يعني ملفتش نظرك لحاجة..
غرام حاجة اي مش فاهمه!!
فارس عاوز اتكلم معاكي..
غرام بضيق ف اااااي..
فارس هو أنتي ي بنتي عليكي عفريت م قولت هنقعد نشرب حاجه و نتكلم...
غرام بصتله ب ضيق و رديت بالأمر الواقع و دخلت الكافيه و