روايه للكاتبه سهيلة السويفي

هند قومي يا بت انتي فزي من مكانك واعمليلي كوباية شاي
سها بتعب حرام عليكي يا عمتي انا لسة مخلصة تنضيف في الشقة كلها وحضرت الغدا كمان عاوزة ارتاح شوية قبل ما اروح الجامعة
هند بلاش دلع يا بت انتي مش كفاية بصرف عليكي بعد ابوكي وامك ما ماتوا اكلة شاربة نايمة ببلاش اعملي بلقمتك يا ختي 
سها بعياط خلاص يا عمتي ملهوش لزوم الكلام دا وابويا وامي الله يرحمهم مكنوش يعرفوا انك هتعملي معايا كدا وتعامليني كأني خدامة عندك مش بنت اخوكي الوحيد وبعدين انا بشتغل بعد الجامعة وبصرف علي نفسي 

هند غوري يا بت انتي من وشي مش عايزة منك حاجة وسابتها ومشيت
سها في نفسها وبتعيط يارب انا تعبت مش قادرة استحمل يارب اقف معايا انا ماليش غيرك
وبعدين هديت وقامت تصلي وراحت تلبس عشان تروح علي جامعتها ولبست فساتنها الأبيض وطرحة سودا عليه وكان شكلها زي القمر برغم من بساطة لبسها
سها بنت جميلة عينيها لونها بني وبشرتها بيضا وعندها غمازات وملامحها هادية وطيبة جدا وبتحب كل اللي حواليها في كلية اداب وملهاش صحاب كتير وبتشتغل بعد الجامعة جرسونة في مطعم
اما عمتها هند خبيثة وبتكرهها عشان مكنتش راضية عن جواز اخوها من ام سها وفضلت سنين مقاطعة اخوها بسبب انه اتجوزها وكمان بتغير من سها عشان جمالها
سها خلصت محاضراتها متأخر وراحت علي المطعم بسرعة 
المدير انتي اتاخرتي كدا ليه مش هينفع كل يوم تتأخري بالمنظر دا انتي لو استمريتي علي الوضع دا يبقي مش هينفع تكملي معانا
سها انا اسفة بس اتاخرت بسبب محاضراتي وان شاءالله مش هتتكرر تاني
المدير ماشي هعديهالك المرة دي ويالا اجهزي عشان جايلنا ضيف مهم جدا بليل وحاجز المطعم كله عشان هيعمل اجتماع تبع شركته وانا اختارتك انتي اللي تبقي في استقباله وتضايفيه هو واللي معاه
سها تمام عن اذنك هو هيوصل الساعة كام
المدير حوالي ٨ بليل كدا ومش عاوز اي غلط والا
سها لا بلاش والا دي ان شاء الله مفيش غلط ولا حاجة
المدير حمزة بيه اهلا وسهلا نورت يا باشا
حمزة المكان جاهز يا رفعت
رفعت متقلقش يا باشا مفيش حد في المطعم غير سها هي اللي هتخدمك وتشوف طلباتك ايه انت والناس اللي معاك
حمزة وليه بنت يا رفعت احتمال الاجتماع يطول وبعدين انا عاوز حد يكون امين انت عارف الصفقة دي مهمة اد ايه
رفعت متقلقش يا باشا انا اختارت سها بالذات عشان امينة ومش هتطلع اي حاجة هتسمعها لأي حد وانا واثق فيها واضمنها برقبتي
سها جات بسرعة ايوا يا فندم انا جيت
حمزة اول ما شافها تنح من جمالها وفضل باصصلها فترة وبعدين رجع لوعيه وقالها انتي سها مش كدا
سها ايوا 
حمزة طيب بصي انتي فاهمة هتعملي ايه اولا انا عاوزك تفضلي بعيدة عننا خالص أثناء الاجتماع متجيش بس غير لما انا اندهلك بنفسي وثانيا تليفونك يكون مقفول وكمان انا هاخده منك وهرجعهولك بعد الاجتماع تمام
سها تمام يا فندم حاضر واتفضل موبايلي اهو اي أوامر تانية
حمزة لحد دلوقتي لا تقدري تروحي تكملي شغلك واول ما اندهلك تيجي علطول
سها سمعت كلامه ومشيت راحت علي المطبخ
حمزة هي مين البنت دي يا رفعت
رفعت بت غلبانة يا باشا أهلها ميتين وملهاش اخوات في كلية اداب وعايشة مع عمتها بس 
حمزة لا ابدا اتفضل انت عشان الناس وصلوا وكان فوج من تركيا 
حمزة شاورلهم انهم يقعدوا وفضل مستني المترجم اللي هيترجملوا عشان هو مش بيفهم تركي لكن هو اتاخر 
حمزة في نفسه طب وبعدين انا هعمل ايه دلوقتي في المصېبة دي
سها كانت بتتفرج من بعيد علي اللي بيحصل وعرفت انهم بيتكلموا تركي من لغتهم وراحت لحمزة وقالتله انا اقدر اساعدك في المشكلة دي 
حمزة انتي ايه اللي
طلعك انا مش قولتلك تيجي لما اندهلك وبعدين هتساعديني ازاي
سها انا في سنة ثالثه في كلية اداب قسم لغات شرقية وبعرف اتكلم تركي كويس وهقدر اساعدك واترجم كل اللي بيقولوا 
حمزة انتي بتتكلمي بجد طب روحي اقلعي اليونيفورم اللي انتي لابساه والبسي لبسك العادي وتعاليلي بسرعة
سها طب ومين اللي هيجيب الطلبات للزباين 
حمزة متقلقيش انا هتصرف يالا بسرعة 
سها حاضر حاضر وراحت قلعت اليونيفورم اللي كانت لابساه ولبست فساتنها
الأبيض وكان عليه طرحة سودا وكان شكلها أمور اوي
وبعدين خرجت وحضرت معاهم الاجتماع وكانت بترجم لحمزة كل حاجة والصفقة نجحت واتفق حمزة مع
الوفد التركي علي كل حاجة والاجتماع انتهي كانت الساعة ٣ الفجر
حمزة انا مش عارف اشكرك ازاي يا انسة سها انتي جيتيلي من السما اطلبي اللي انتي عاوزاه وانا انفذهولك فورا
سها متشكرة جدا يا فندم انا مش عاوزة حاجة خالص بس انا لازم اروح عشان اتاخرت اوي
حمزة طب ممكن تسمحيلي اوصلك عشان مش هينفع تروحي لوحدك دلوقتي وانت زي القمر كدا اخاڤ عليكي
سها باحراج وكسوف مش عاوزة اتعب حضرتك وبعدين انا بيتي قريب
حمزة مفيش تعب ولا حاجة يالا بينا
ركبت معاه العربية ووصلها البيت اول ما وصلت ونزلت من عربيته لاقيت 
ركبت معاه العربية ووصلها البيت اول ما وصلت ونزلت من عربيته اتفاجأت بعمتها واقفة
هند بغيظ وراحت ضړبتها بالقلم وليكي يا عين يا مقصوفة الرقبة تسألي جاية لي في وش الفجر وراكبه العربية مع راجل غريب صحيح ما هو انتي هتطلعي لمين اكيد لأمك غوري ومترجعيش هنا تاني انا بيتي بيت محترم ومستحيل اخلي واحدة زيك تقعد فيه
سها واتجمعت الدموع في عينيها وبدأت ټعيط ومصډومة في اللي عمتها بتقوله واڼفجرت فيها انتي ايه ازاي تقولي عليا كدا انتي ازاي معندكيش قلب كدا انا محترمة ڠصب عنك وامي ربتني هي وابويا كويس اوي انتي اللي مريضة ومش طبيعية
هند وكانت هتمد ايديها عليها تاني وتضربها اخرسي يا قليلة الادب
بس في ايد منعتها قبل ما ټضرب سها وكان حمزة
حمزة اياكي تفكري تمدي ايدك عليها تاني انتي فاهمة وهي مش محتاجة تبررلك اي حاجة لأنك فعلا مريضة ومعندكيش قلب
هند وكانت هتضربه كان عينتك المحامي بتاعها طب غور بقا من هنا انت وهي وروحوا مكان ما جيتوا والا هصرخ في وسط الشارع والم الناس واڤضحك انت وهي
وبعدين اخد سها من ايدها وشنطتها كمان وكانت لسة بټعيط ومصډومة وركبها العربية
حمزة اهدي يا انسة سها ان شاءالله كل حاجة هتبقي كويسة وياريت تبطلي عياط
سها بعياط انا كنت عارفة انها پتكرهني بس مش للدرجة دي ترميني في الشارع وفي وقت زي دا طب هروح فين انا ماليش غيرها بعد ابويا وامي
حمزة متقلقيش انا هتصرف وبعدين انتي كنتي عايشة معاها ازاي دي بس دا انا دقيقتين كمان وكنت ھخنقها بس مسكت نفسي
سها ضحكت ومردتش
حمزة ايوا كدا اضحكي انتي ضحكتك حلوة اوي علي فكرة
سها باحراج طب احنا رايحين فين دلوقتي
حمزة علي بيتي
حمزة متفهمنيش غلط انا هوديكي عند الست اللي ربتني هابقي مطمن عليكي هناك تقدري تقعدي فيها لحد ما تشوفي شقة تانية
سها تسلم يا استاذ حمزة انا مش عارفة اقولك ايه
حمزة في حاجة كمان
سها ايه بقا
حمزة انا عينتك السكرتيرة بتاعتي بصراحة مش

هلاقي احسن منك معاكي لغة وجميلة وامينة انا كنت بدور بقالي فترة علي سكرتيرة وما صدقت لقيتك بصراحة
سها انا مش عارفة اقول لحضرتك ايه بجد انا مش عارفة لو مقابلتش حضرتك كان زمان ايه اللي حصلي
حمزة متشكرنيش متنسيش انتي كمان ساعدتيني من غير ما تعرفيني
سها طب والجامعة والمطعم
حمزة يا ستي تقدري تيجي ما تخلصي محاضراتك وبالنسبة للمطعم انا هكلم رفعت يشوف غيرك ويبعتلك بقية حسابك
سها طب هو انا ممكن اسالك سؤال
حمزة اكيد اتفضلي
سها انت بتعمل معايا كدا وانت يادوب لسة شايفني من شوية وعرفت منين موضوع عمتي
دا
حمزة انا اولا استجدعتك بعد ما انقذتيني في الاجتماع ومرضيتش تطلبي حاجة في المقابل كمان ارتحتلك اوي وعرفت موضوع عمتك دا من رفعت حكالي عنك كل حاجة تقريبا قبل ما الوفد يوصل خصوصا اني زيك يتيم امي مېتة من زمان وابويا هو اللي رباني وصعبتي عليا
وادينا كمان وصلنا انزلي ونزلوا قدام عمارة كبيرة وطلعوا بالاسانسير وخبط حمزة علي الباب افتحي يا دادة انا حمزة
فتحت الباب ست كبيرة مش اوي يعني باين عليها في الخمسينات كدا وهي اللي ربت حمزة من وهو صغير واسمها زينب حمزة وحشتني يا بني غايب بقالك فترة
حمزة وانتي كمان يا قمر واحشاني اوي
اتفضلي يا سها ادخلي البيت بيتك
زينب بهمس مين دي يا بني
زينب حاضر يا بني
حمزة اسمعي يا
سها دا الكارت بتاعي فيه عنوان الشركة من بكرة تيجي تستلمي شغلك
سها انا بجد مش عارفة اشكر حضرتك ازاي بجد متشكرة
حمزة بضحك يا بنتي دي المرة الخمسين اللي بتشكريني فيها وبعدين يالا روحي مع زوزو وشوفي اوضتك يارب تعجبك وترتاحي فيها
سها ابتسمت وبعدين دخلت هي وزينب الأوضة وكانت كبيرة وجميلة والوانها هادية ومريحة وزينب سابتها ترتاح شوية وتغير هدومها وخرجت
زينب مفهمتنيش
يا حمزة مين دي وحكايتها ايه
حمزة وحكالها كل حاجة عنها وعن عمتها
زينب يا بنتي كل دا وهي لسة في السن دا الله يكون في عونها
حمزة طيب يا دادة انا سايبها معاكي في ايد امينة خلي بالك منها ولو في اي حاجة كلميني علطول انا همشي بقا باي يا زوزو
وخرج حمزة من العمارة وركب عربيته وهو بيفكر في سها وفي حالها وكان حاسس من
عادل كنت فين يابني ايه اللي اخرك كل دا قلقتني عليك
حمزة انا تعبان اوي يا بابا انام دلوقتي واصحي بكرة افهمك كل حاجة
عادل علي راحتك يا بني طب انت كويس
حمزة وباس ايد ابوه كويس يا حبيبي تصبح علي خير
عند سها وزينب
كانت سها في اوضتها وبعد ما غيرت هدومها قعدت ټعيط علي اللي بيحصل معاها وبعدين الباب خبط ودخلت زينب وكان في ايديها صنية اكل وحطيتها علي الترابيزة
زينب كفاية يا حبة عيني عياط يالا تعالي عشان تاكلي انتي شكلك مكلتيش من بدري
سها وهي بټعيط لسة انتي طيبة اوي اوي يا هو حضرتك اسمك ايه
زينب اسمي زينب يا ضنايا وياريت تقوليلي يا ماما من هنا ورايح
سها ينفع اطلب منك طلب
زينب اؤمري يا بنتي
سها ينفع تاخديني في حضنك
تاني يوم الصبح
صحيت زينب وباست راس سها وقامت عشان تحضر الفطار ليها هي وسها وسها كمان صحيت من النوم وكانت حاسة براحة رهيبة وكانت مطمنة ومبسوطة وقامت صلت فرضها وقريت وردها في القرآن ولبست فسان اسود وعليه طرحة اوف وايت وكانت امورة اوي وحطت ميك اب خفيف عشان تروح الشركة عند حمزة وتستلم شغلها
سها صباح الخير يا طنط
زينب صباح النور يا غالي وايه طنط دي مش اتفقنا هتقوليلي