إسكريبت جديد لأية فتحى

يحكي ويتحاكى بيه ولا إيه يا محمود ما تشوف ابنك 
بس أنا مش عاوزة يا ماما 
اسكتي أنت 
ما تتكلم يا غيث 
عمتك معاها حق هي عايزة تفرح ببنتها وأنا عايز أفرح ب ابني الوحيد 
يا جماعة الموضوع مش زي ما أنتم
فاهمين إحنا هنعمل فرح وهنفرح وننبسط بس هو لازم نفرح وإحنا بنعصي ربنا!! 
بنعصي ربنا إزاي يعني 
يا عمتو لما نعمل فرح أكيد هيكون مختلط وفيه موسيقى ورقص وتجاوزات كتير وكل واحد هيبص لواحدة أجنبية عنه إحنا هنشيل ذنبه وكل حاجة غلط هتحصل إحنا هنشيل ذنبها دا غير حرمانية سماع الموسيقى وكمان دا إحنا هنخلي كام واحد يسمع يعني كإننا مش عاملين فرح لاء دا كإننا عاملين ليلة نشيل بيها ذنوب على ذنوب 
بعدين يرضيكم تبقى ليلة عمرنا نبدأها بالمعاصي دي كلها وربنا مش يبارك لنا في حياتنا ال هتبتدي 
إحنا هنعمل فرح إسلامي مفيهوش إختلاط ولا موسيقى وبالفلوس الباقية هنعمل بيها خير وهتشوفوا والله هنفرح إزاي صدقوني يا جماعة مفيش أجمل من إننا نبعد عن معصية ربنا في وسط الزمن دا دا أجره بيكون كبير 
وافتكروا إن من ترك شيئا لله عوضه الله بخير منه 
كلهم سكتوا محدش إتكلم 
بصيت له وأنا مبسوطة وفخورة بيه بعد شوية ردت طنط على كلامه
أنا موافقة على كلامكم يا ابني ربنا يرضى عنكم 
قومت بوستها وحضنتها وأنا فرحانة طب بالله عندي زوج عسل وحما سكرة هحتاج إيه تاني
فضلت باصة لماما وبابا وخالو وبدعي أنهم يوافقوا 
مش هطلع أنا الشريرة يعني موافقة بس أنا كنت عايزة أفرح بيكم 
والله يا ماما هتفرحي وهتشوفي كفاية إننا مش هنعصي ربنا 
كلهم وافقوا الحمدلله وغيث إستأذن بابا وماما ودخلنا البالكونة 
أنا مبسوطة أوي بجد 
وأنا فرحان لفرحتك 
يوه متكسفنيش بقا الله! 
طب مفيش مقابل للكلام ال قولته وخليتهم يوافقوا دا 
لاء طبعا فيه روح يا شيخ الله يكرمك 
روح يا شيخ! 
هو أنا جاي أقول لك حاجه لله!! 
أومال عايز إيه طيب
قرب عليا وغمز بعينه قليل الحيا
حضڼ 
إيه!! يلهوي! 
لاا كتير بجد 
هو أنت سخنة ولا الفرحة مأثرة عليك
ضحكت على رد فعله وكلامه وحضنته 
أهوه متطلبش مني تاني بقا غير لما نتجوز 
على أساس إحنا إيه يعني 
قصدي لما نكون في بيت واحد 
هانت 
ضحكنا وقعدنا نتكلم شوية لحد ما سيبته علشان أطلع 
فات الأسبوعين وجه النهاردة فرحنا كان إسلامي مفيهوش إختلاط كان فيه أناشيد بالدف كنا البنات في شقة والرجال كانوا تحت 
بعد ما خلصنا جه غيث وأخدني على شقتنا أول ما دخلت حسيت إحساس غريب يمكن حسيت بالآمان فيه أكتر 
كنت دايما عايزة أدخلها قبل فرحنا لكن ماما وطنط كانوا رافضين بس بجد الشقة تحفة 
فوقت عليه وهو بيضمني 
مبارك عليا وجودك في بيتي وفي ح ضني 
مبارك عليا زوج زيك يا غيث 
مبسوطة 
طايرة من الفرحة 
أوعدك طول العمر أفرحك دايما وأخليك تاج على راسي 
ربنا يديمك ويديم وجودك 
وبحبك قد عنيا حتى أكتر منها شوية
وإسالها أنت وحلفها علطول هتقول لك هي 
آية فتحي حمام