رواية كاملة بقلم ياسمين الكيلاني
عند شمس
_انت فاكر نفسك هتخوفني بلي بتعمله انت متعرفش انا اهلي مين
ضحك كريم جامد وهو ماسك راسه بقماشة وبيتكلم بستهزاء
اهلك اي ما كلنا عارفين اللي فيها يا شمس..
اتكلمت بحيره وخوف من طريقته
تقصد اي
_اقصد انك ملكيش اهل يا شمس او ب الاصح محدش بيسأل فيكي اهلك طول الوقت مسافرين وسيبينك مع نفسك اوعي تفتكري انهم خايفين عليكي او حتي سأليين فيكي انت يدوب بالنسبالهم سلعه ملهاش تمن عندهم...
وانت يعني اللي اهلك بيسألو فيك ما انت برضو سلعه بس الفرق انك متعرفش تعمل حاجه من غيرهم يا كريم انت من غير فلوس ابوك متسواش حاجه...
اتنرفز جدا واتكلم بغيظ
انا بلفوس ابويا اشتريكي واشتري اللي ذيك ومش بنت ذيك تقولي انا كده
رفع ايده عشان يرد كرمته لكن يظهر ان ف شخص تاني معجبهوش الكلام
فتحت شمس عينيها وابتسمت بسرعة اول ما شافته
سليم!!
الفصل الثاني
فتحت شمس عينيها وابتسمت بسرعة اول ما شافته
سليم!!
مسكه جامد وصفي معاه حساب كبير علي مسكته ليها واستهزائه عليها وسط الناس وخرج كل العصبيه اللي جواه لما افتكر انه كان علي وشك يضربها
قربوا منه رجالة كريم لكنه مخفش وخلي عم عبده ياخدها ويطلعوا بره لحد ما يصفي حسابه معاهم...
خرجت هي من العربية بسرعة واتكلمت پخوف اول ما شافته
اي الد م دا انت كنت ف مذ بحه القلعه جوه!
اتغاظ جدا منها وخصوصا انها بتهزر لسه بعد كل اللي حصل
مسكها من دراعها جامد وډخلها العربيه
روح انت يا عم عبده انا لسه هصفي حسابي مع الانسه...
خاڤت شمس وكانت هتخرج تاني اول ما سمعت الكلمتين دول لكنه زعق جامد فيها خلاها ترجع تاني مطرحها
وقف العربية لما لقاها بصه بعيد فهم انها پتبكي ف اتنهد واتكلم بهدوء
وبعدين يا شمس لحد امتي فهميني!
اتكلمت وسط دموعها وعيونها متحركتش من مكانها
لحد ما يرجعوا يا سليم.. لحد ما يفهموا ان ليهم بنت سيبنها طول الوقت ذي السلعة علي راي كريم..
ولحد ما تزهق مني انت وزينب وتسبوني انتوا كمان عشان مبقاش عبء علي حد ولا مسؤولة من حد ولا احس اني سبب ف كل مشاكلك...
اكتر من 10 سنين لحد دلوقتي متعرفش حاجه عنهم ولا بيسألو عليها غير وقت ما يجاملوها بكلمه وياريتها نفعه!
خد الچاكت و نزل وراها بهدوء ووقف جنبها لبسهولها و اتكلم بحنيه
انت مش سلعه يا شمس ولا حتي عبء عليا وعمري ما ازهق منك ولا من شقاوتك دي عارفه ليه
عشان انت مش بس بنت عمي انت اكبر من كده بكتير وخۏفي عليكي مش تحكم مني ولا عشان اضايقك بتصرفاتي بس عشان احميكي من اي حد ممكن يجرحك بالكلام او يضايقك وانا ساعتها مش هتحكم ف اعصابي وممكن اروح ف داهيه بس عشانك وعشان دموعك دي متنزلش تاني انت فاهمه
اتكلمت بحزن ودموع
ليه انت يا سليم ليه تكون انت اللي مسئول عني وانت اللي تخاف عليا وتحميني منهم ف نفس الوقت اللي اهلي سابوني ومشيوا ومسألوش فيا من وانا صغيره ليه انت تستحمل مني كل دا وسط ما اهلي مستحملهوش!
انت من حقك متسألش فيا ولا تتعب نفسك معايا وتسبني اخر واروح واجي وترتاح من مشاكلي ليه تاعب نفسك معايا!
ابتسم بهدوء واتكلم بحب
طب دا انا محظوظ اني بعمل دا كله ومحدش مشاركني فيه! كفايه
اني حاسس انك فعلا مسؤولة مني انا عايزك بس انت تغلطي وانا اصلح وملكيش دعوه بحاجه تانيه ماشي
ابتسمت شمس بهدوء كأنها بتهون عليه بعد يوم طويل متعب بضحكتها دي
قضوا وقت طويل بره كان عايز يفهمها ان الوقت معاه احلي من اي وقت تاني وكان برضو بيحاول يخليها تثق فيه
وعشان وقت القسۏه لازم تشوف الحنيه اللي تهون عليك اي متاعب وتلاقي الشخص اللي وقت خۏفك وعنادك بيطبطب عليك بدل ما يعاقبك ويعاتبك
